அவனை அடைதல்

கோவிந்த் பகவான்

அவன் ஒரு விசித்திரன்

எப்போதும் உடனிருப்பவன்

உடன் சாப்பிடுபவன்

உடன் உறங்குபவன்

உடன் கனவு காண்பவன்

உடன் சிறுநீர் கழிப்பவன்

உடன் தேநீர் அருந்துபவன்

உடன்‌ சண்டையிடுபவன்

தனிமையைப் பழக்கி

தன் இன்பத்தை அறிமுகப்படுத்தியவன்

உச்ச பேரானந்தம் கையளித்து 

வெறுப்பை அவன் பெற்றவன் 

ஓய்ந்து உறங்கியெழுந்த ஒரு சாம்பல் அதிகாலையில்

உடனில்லாத அவனை

சுற்றும் முற்றும் அதிர்ச்சியில் தேடியலைந்தேன்

நிசப்தம் நிரம்பிய

தூரத்துக் குன்றின் மீதமர்ந்து பெயர் தெரியாத இசைக்கருவி ஒன்றை வாசித்துக்கொண்டிருந்தான்

மீண்டும் எனதுடல் இன்பம் கிளர்ந்து

சிலிர்த்தடங்கியது.

     -கோவிந்த் பகவான்

Series Navigation

யாதுமாகிவேவு