வெங்கடேசன் நாராயணசாமி
தபாலில் அனுப்பியுள்ளது
விசித்திர விதைகளை
சீனா அமெரிக்காவிற்கு.
கண்டித்துள்ளார் அமெரிக்க உளவுத்துறையை
கவனக்குறைவிற்காக
அமெரிக்க ஜனாதிபதி.
சுமந்து வந்தோமிங்கு
விசித்திர வாதனா விதைகளை
கவனக் குறைவினால்.
இங்கிருந்து மீண்டும்
சுமந்து செல்வோம்
இவ்விசித்திர வாதனா விதைகளை
இதே கவனக் குறைவினால்.
உள்ளிருக்கும் உள்ளானை
ஓயாது உள்கிறோமா,
இல்லையா,
என்று
உளவு சொல்பவரும்
உறங்குகிறார்
இவ்வும்பரரங்கில்.
முரசுக் கட்டிலிலுறங்கும்
இம்மோசிகீரனாரைக்
கண்டிக்காமல்
கவனமாகக்
கவரி வீசும்
தகடூர் எறிந்த
இச்சேரமான் பெருஞ்சேரல்
இரும்பொறை யார்?
- `கிழக்கினை எதிர்கொண்டு’ – கெகிறாவ ஸுலைஹாவின் மொழிபெயர்ப்புச் சிறுகதைகள்
- படித்தோம் சொல்கின்றோம்: கனடா தேசத்தின் நிலக்காட்சியையும் பல்லின மக்களின் ஆத்மாவையும் சித்திரிக்கும் வ. ந. கிரிதரனின் கட்டடக்கா( கூ) ட்டு முயல்கள் கதைத் தொகுதி !
- பசியாறலாமா?
- காலாதீதன் காகபூஶுண்டி
- கனடா, குரும்பசிட்டி நலன்புரி சபையினரின் நூல் வெளியீடு
- தனிமையின் இன்பம்
- யார்?
