தமிழின் முதல் இணைய வாரப்பத்திரிகை

8 டிசம்பர் 2019

தீ, பந்தம்

சத்யானந்தன்

Spread the love

 

 

வெவ்வேறு புள்ளிகளில்

பல்வேறு மனிதர்

அவர் பரிமாற்றங்கள்

விளைவாய்

என் பயணங்கள்

 

பயணங்களின் போது

ஒரு வாகனத்துள்

மறு நேரங்களில்

இருப்பிடமாகும்

அடைப்பு

 

ஊர்தி உறைவிடம்

உடனாய்த் தென்படுதல் பற்றா?

 

இடம் பொருள்

சகஜீவி

எதனோடாவது தென்பட்டவன்

இழப்பை மரணத்தை

கடந்து செல்ல வில்லையா?

அது பற்றறுந்து மேற்செல்தல்

ஆகாதா?

 

ஒன்றாயிருத்தல் தென்படுதல்

தற்காலிகம் என்ற​ புரிதல்

நிகழாவிடினும்

நிரந்தரமின்மை எட்டு திக்கிலும்

 

எதையாவது

பற்றிக்கொண்டே

தீ

தென்படும்

 

சத்யானந்தன்

Series Navigation“வானுயர்ந்து எழுந்துள்ள கட்டிடங்களின் அத்திவாரக்கற்கள் வெளியுலகிற்கு தெரிவதில்லை. “திரை விமர்சனம் ஸ்பெக்டர்

Leave a Comment

Archives