வைரஸ் தீ…
விட்டில் மக்கள்….
இது காட்டுத் தீ அல்ல
வீட்டுத் தீ
என்ன செய்வது?
விறகாகி எரிவதா?
விலகி அணைப்பதா?
சாம்பலாவதா?
சரித்திரமாவதா?
அடுத்த தலைமுறைக்கு
நாம் விதையா?
சிதையா?
இதோ….
நாடு கேட்கிறது
பொருள் கேட்கவில்லை
‘புரிந்துகொள்’ என்கிறது
விலை கேட்கவில்லை
‘விலகி இரு’ என்கிறது
கட்டியதைக் காப்பாற்ற
‘வீட்டிலிரு’ என்கிறது
எல்லார் கையிலும்
குவளைப் பால்
குடம் நிரப்புவோம்
ஒரு கிண்ணம் விஷமானால்
குடம் பாலும் கொடு விஷம்
என்ன செய்யப்போகிறோம்?
முடிவெடுக்கும் தருணம் இது
நாம் ….
பாலைவனத்தில்
துளிர்த்தவர்கள்
புயல்களைப் பார்த்து
புன்னகைத்தவர்கள்
சாம்பலில்
உயிர்த்தவர்கள்
விலங்குகளை
வேலியாக்கியவர்கள்
அம்புகளிடம்
அன்பைத் தேடியவர்கள்
தண்ணீரற்ற கிணற்றில்
தங்கள் கண்டவர்கள்
முடிவெடுப்போம்
சிங்கைக்கு
முடிசூட்டுவோம்
அமீதாம்மாள்
- கைகொடுக்கும் கை
- புலி வந்திருச்சி !
- பிள்ளை யார்?
- மாயாறு- மருத்துவர் .ஜெயமோகன் மரணம்
- பெற்றோர்கள் செய்ய வேண்டியது
- உன்னாலான உலகம்
- புலம்பெயர் ஈழத்து படைப்பாளர்களின் விபரத்திரட்டு
- கேட்காமலே சொல் பூத்தது : முகக்கவசம்
- அறியாமை அறியப்படும் வரை….
- தக்கயாகப் பரணி [தொடர்ச்சி]
- நான் தனிமையில் இருக்கிறேன்
- எழுத்தாளனும் காய்கறியும்
- எனக்கு எதிர்கவிதை முகம்
- சொல்வனம் இணையப் பத்திரிகையின் 220 ஆம் இதழ்
- அமைதியை நோக்கியே அத்தனை புயல்களும்
- தமிழர் புத்தாண்டு சித்திரை முதலா ? தைத் திங்கள் முதலா ?
- அப்பால்…..
- ‘ரிஷி’ (லதா ராமகிருஷ்ணன்)யின் கவிதைகள்
- நாடு கேட்கிறது
- ஜீவ அம்சம்
- மொழிவது சுகம் ஏப்ரம் 19…2020
- பேரிடர் கண்காணிப்பு, பேரிடர் பாதுகாப்பு
