”ஒழுக்கமானவர்களைப்” புரிந்து கொள்வது
சற்றுக் கடினம்.
அவர்கள்
நம்மைப் போல் தான் இருப்பார்கள்.
”ஒழுக்கங்கள்” பற்றி
அவர்களுக்கு மட்டும் தான் தெரியும்.
அதனால் தான்
அவர்கள் “ஒழுக்கமானவர்கள்”.
அவர்களுக்கு
ஆண்கள் பெண்கள் ஒழுக்கங்கள் மேல்
அதிக அக்கறை.
அடிப்படையில்
ஆண்கள் பெண்கள்
எலும்புக் கூடுகள்.
எலும்புக் கூடுகள்
ஒழுக்கமானவை.
அப்படியே
ஆண்கள் பெண்கள் ஒழுக்கங்கள்
இருக்க வேண்டும்
இப்படியெல்லாம்
ஒழுக்கங்களுக்கு
அவர்கள் வியாக்கியானம் இருக்கும்.
விளக்கிப் பதில் சொல்ல
வீணாகும் நேரமென்று
விமர்சனங்களை
அவர்கள் அனுமதிப்பதில்லை
”ஒழுக்கமானவர்கள்”
நம்மைப் போல் தான் இருப்பார்கள்.
அவர்களுக்குக்
கோணல் மாணல்கள் பிடிப்பதில்லை.
அதனால்
கேலிச் சித்திரிப்புக்களை
அவர்கள் விரும்புவதில்லை.
கண்ணாடி முன்னால் கூட
முகத்தைக்
கோணல்மாணல் செய்து
சிரிக்க மாட்டார்கள்.
கண்ணாடி மேல்
அவர்களுக்கு ஒரு பயம்.
கண்ணாடி உடைந்தால்
அவர்கள் உடைந்து போவார்கள்
என்று கலவரப்படுவார்கள்.
உடைந்த சில்லுகளில்
’உண்மைகள்’ வெளிப்பட்டுவிடும்
என்று கவலைப்படுவார்கள்.
”ஒழுக்கமானவர்கள்”
நம்மைப் போல் தான் இருப்பார்கள்.
அவர்கள் எங்கிருந்தாவது
வருவோர் போவோரைக்
கவனித்துக் கொண்டே இருப்பார்கள்.
அவர்கள் கிழித்த கோட்டை மீறிப்
போகும் வழிகள்
பொல்லாத வழிகள் என்று
எச்சரிப்பார்கள்.
பொல்லாத வழிகளில்
மீறிப் போனவர்களின் மிச்சமாய்
வெறுஞ் செருப்புகள் கிடந்த வரலாற்றைச்
சான்றாகக் காட்டுவார்கள்.
’குரல்வளைகள்’
சுதந்திரமாய்ப் பேசுவது
கேட்கும் காதுகளுக்கு ஆபத்து
என்பார்கள்.
மழை இராத்திரி
வயல்தவளைகளின் கூச்சல்கள்
அவர்கள்
மனதிற்குப் பிடித்தவை.
மாறுபட்டுக்
குரல்வளையில் பேசினால்
கொஞ்சம் கை வைப்பார்கள்.
”ஒழுக்கமானவர்கள்” தாம்
குரல்வளைகளை நெறிப்பார்கள்.
எல்லாமே
அமைதியாய் இருக்க வேண்டும்.
அமைதி
அவர்களுக்குப் பிடிக்கும்.
”ஒழுக்கமானவர்களைப்” புரிந்து கொள்வது
சற்றுக் கடினம்.
அவர்கள்
நம்மைப் போல் தான் இருப்பார்கள்.
- குந்தி
- தொலைந்துபோன கோடை
- கைலி
- வாழ்வியல் வரலாற்றில் சிலபக்கங்கள் –12
- பாலாஜி சக்திவேலின் “ வழக்கு எண் 18 / 9
- சௌந்தரசுகன் 300 / 25
- எஞ்சினியரும் சித்தனும்
- துருக்கி பயணம்-1
- முள்வெளி அத்தியாயம் -8
- 6 தங்கமும் கற்களும் விற்கும் எ.டி.எம்.
- 1.பாரதியும் பட்டுக்கோட்டையாரும்(பகுதி-1)
- பஞ்சதந்திரம் தொடர் 43 – பூனை வழங்கிய தீர்ப்பு
- அசோக மித்ரனும் – என்டிஆர் இலக்கிய விருதும்.
- குகைமனிதனும் கோடிரூபாயும் நூல்
- வஞ்சிக்கப்பட்ட வழக்கு வஞ்சிக்கப்பட்ட வாழ்க்கை – பாலாஜி சக்திவேல் இயக்கிய ’வழக்கு எண் 18/9’
- வைதீஸ்வரன் வலைப்பூ
- வசந்தமே வருக!
- நியாப் படுத்தாத தண்டனைகள் ….2..
- யூதர் சமூகத்தில் சில சடங்குகளும் சம்பிரதாயங்களும்
- பிரபஞ்சத்தின் மகத்தான நூறு புதிர்கள் ! பூகோளத்தில் நீர் வெள்ளம் நிரப்பச் செய்த நிபுளா விண்வெளி மூலச் சுரப்பி.
- An evening with P.A.Krishnan
- இன்றைய தமிழ் சினிமாவின் சென்டிமெண்ட் வியாபாரம்
- சுப்ரமணிய பாரதியாரும் சுப்ரீம் கோர்ட்டும்
- மேடம் மோனிகாவின் வேடம் (Mrs. Warren’s Profession) அங்கம் -1 பாகம் – 1
- வளர்ச்சி…
- ஷேக்ஸ்பியரின் ஈரேழ்வரிப் பாக்கள் (Shakespeare’s Sonnets : 19) தோழி மீது ஆழ்ந்த நேசம்
- படிமை திரைப்பட பயிற்சி இயக்கம்
- நிகழ்த்துக்கலைகளை பயிற்றுவிக்கும்படியான பயிற்சிப்பள்ளி
- தாகூரின் கீதப் பாமாலை – 13 ஆணவம் நொறுங்கும் போது !
- தோல்வியில் முறியும் மனங்கள்..!
- நன்றி நவிலல்
- முல்லைப் பெரியார் அணை இனப் பற்றா? இன வெறியா?
- நேர்காணல் இதழ் ஐந்து :ஓவியர் கிருஷ்ணமுர்த்தி அவர்களுக்குப் பாராட்டு விழா
- வேழ விரிபூ!
- விஸ்வரூபம் – பாகம் 2 – அத்தியாயம் எண்பத்தொன்பது
- ரியாத் தமிழ்ச்சங்க விழாவில் சுகி.சிவம், பேராசிரியர் அப்துல்லா பேச்சு
- மலை பேச்சு – செஞ்சி சொல்லும் கதை -25
- வலைத் தளத்தில்
- ”ஒழுக்கமானவர்களைப்” புரிந்து கொள்வது
- இந்நிமிடம் ..
- வெயில் விளையாடும் களம்
நான் மிகவும் ரசித்து படித்தேன் இக்கவிதையை :)
— “ஒழுக்கமானவர்களைப்” புரிந்து கொள்வது சற்றுக் கடினம்.
அவர்கள் நம்மைப் போல் தான் இருப்பார்கள் “
நன்றி தங்களுக்கு.
கு.அழகர்சாமி