மரத்தின் வாழ்க்கை

மகத்தானது

ஊன்றிய இடமே உலகம்

உலகம் அங்கு ஒடுங்கும்

கொடியையும் தாங்கும்

இடியையும் தாங்கும்

மண்ணும் மழையும்

காற்றும் கதிரவனும்

கைகட்டி நிற்கும்

அளந்து பெறாது

அளந்து தராது

கேட்டுப் பெறாது

கேட்டுத் தராது

விடியலை இருளை

தளிரால் வாழ்த்தும்

சருகால் வணங்கும்

பறவைகள் பூச்சிகள்

தான் பெற்ற பிள்ளைகள்

கனிகள் தந்து

குலத்தினைக் காக்கும்

நிழல் தரும் மழை தரும்

மனிதனுக்காக

உயிரையே தரும்

மரம் மனிதனுக்குச்

சொல்கிறது

‘என்னைப் போல்

இடப்பெயர்ச்சி மற

எல்லாம் சுகம்’

இடப்பெயர்ச்சி மறப்போம்

வீட்டில் இருப்போம்

அமீதாம்மாள்

Series Navigation

நூல் அறிமுகம் : பா. சேதுமாதவன் எழுதிய ‘ சொற்குவியம் ‘எனக்குக் கேட்கல… உங்களுக்கு கேக்குதா