[எல்லாம் இன்ப மயம் மெட்டு ]
(அணு உடைப்பு ஆய்வக வாசலில் தில்லை நடராஜா சிலை , France Border)
ஆடும் அழகே அழகு
சி. ஜெயபாரதன், கனடா
ஆடும் அழகே அழகு – தில்லையில் நீ
ஆடும் அழகே அழகு.
அணு உடைப்பு ஆய்வக வாசலில்
ஆடி வரவேற்கும் ஐரோப்பிய அரங்கில்
ஆடும் அழகே அழகு, அதனைப்
பாடும் மரபைப் பழகு.
ஆதி மூலன் நீ ! அகிலம் படைத்த நீ
ஆடும் அழகே அழகு.
ஓங்கார நாதத்தில் ஆங்கார மோடு
தீங்கிழைத்த அசுரன் மேல் கால்வைத்து
ஆடும் அழகே அழகு – கம்பீர மாய் நீ
ஆடும் அழகே அழகு.
நெற்றிக் கண்ணன் ஒற்றைக் காலில்
ஆடும் அழகே அழகு.
வெற்றி மாலை சூடி முற்றும் அதிர்ந்திட நீ
ஆடும் அழகே அழகு.
ஒரு கையில் அக்கினி ஏந்தி
மறு கையில் உடுக்க டிக்கும் கூத்தாடி நீ
ஆடும் அழகே அழகு. அதைப்
பாடும் சீடரை ஆசீர்வதி நீ.
ஆதி முதல்வன் நீ ! அண்டக் குயவன் நீ !
ஓதி உணரும் உன்னதன் நீ ! உத்தமன் நீ !
நீதி நெறியுடன் நிறுத்துப் பகிர்பவன் நீ !
வேத ஞானி நீ ! மேதினி செழிக்க நீ
ஆடும் அழகே அழகு, அவனியில்
நில்லாது, நிற்காது, ஆட்டம் ஆடு !
நித்திலன் நீ, சத்தியன் நீ, வித்தகன் நீ,
நீ நின்றால் பூமியே நின்று விடும்
பூகோளம் அழிந்து விடும், தொடர்ந்து
ஆடும் அழகே அழகு, ஆதி சக்தி நீ
ஆடும் அழகே அழகு.
ஆடும் அழகே அழகு. அதைப்
பாடும் சீடரை ஆசீர்வதி நீ.
கேட்கும் மக்களைக் காப்பாய் நீ
கேளா மக்களை மீட்பாய் நீ
ஆடும் அழகே அழகு, உனை இனி
பாடும் இசையே தனி
*******************
- சொல்வனம் இணையப் பத்திரிகையின் 267 ஆம் இதழ்
- அவனை எழுப்பாதீர்கள்
- “அந்த நாட்களில் மழை அதிகம்” என்ற அஜயன் பாலாவின் புத்தகத்தை முன் வைத்து
- பட்டறை என்ற சொல்…
- உக்ரைன் மீது ரஸ்யாவின் ‘கைப்பர்சோனிக் ஏவுகணைத்’ தாக்குதல்
- எமிலி டிக்கின்சன் கவிதைகள் – 29
- ரஸ்ய அதிபர் புதினுடைய சொத்து மதிப்பு என்ன தெரியுமா?
- தீப்பிடித்த இரவில்
- எரிமலை, பூகம்பத்தை எழுப்பிடும் பூமியின் உட்கருப் பூத அணு உலை ! (Giant Geo-Reactor) (கட்டுரை -1)
- கதைகள் இல்லாத மனிதர்கள் ஏது? மனிதர்கள் இல்லாத கதைகள்தாம் ஏது? – வளவ. துரையன் கதைகள்
- ‘ரிஷி’ (லதா ராமகிருஷ்ணன்)யின் கவிதைகள்
- வானவில்(இதழ் 135) வெளிவந்துவிட்டது
- க்ரோ எனும் கிழவர்
- ஆடும் அழகே அழகு