தமிழின் முதல் இணைய வாரப்பத்திரிகை

16 செப்டம்பர் 2018

அதிர்ஷ்ட மீன்

இளங்கோ


*
ஆறடி நீளம்
இரண்டடி அகல கடலுக்குள்
கட்டைவிரல் அளவில் நீந்தத் தொடங்கிய
மீனுக்கு
தனக்கெனத் தூவப்படும் பிரத்யேக
உணவு உருண்டைகளின் மீது பூசிக்
கிடக்கும் அதிர்ஷ்டங்கள் புரிவதில்லை

நீள் பாதை நோக்கி மட்டுமே
சப்பையாய் வளர முடிந்ததில்
ஏற்பட்ட மன அழுத்தத்தைப் போக்க

மாதம் இரண்டு முறை வந்து போகும்
மன அழுத்த டாக்டர்
நிவாரணி ஊற்றிச் செல்கிறார்

அம்மீனுக்குத் தெரியவில்லை

தன்னால் ஒரு டாக்டர் உருவாகியிருப்பதும்
தன் மன அழுத்தத்தால்
அந்த டாக்டரின் மன அழுத்தம் கொஞ்சம்
நீங்கும் என்றும்

அடுத்த முறை வரும் டாக்டரிடம்
நிச்சயம் கேட்க வேண்டும்
‘ இந்தக் கடலை மீறி வளர
நான் என்ன செய்ய வேண்டும்..?’

******

இளங்கோ  ( elangomib@gmail.com )

Series Navigationஜூலையின் ஞாபகங்கள்

Leave a Comment

Archives