குடைவிரித்தல்

This entry is part 11 of 14 in the series 5 மார்ச் 2017

நிலாரவி

ஒரு மழை நாளில்

அவனும் குடை விரித்து நிற்கின்றான்

கருப்பு நிறத்தில்

குடைகளுக்கான எல்லா அடையாளங்களுடன் தானிருந்தது அவனதுகுடை

அதன் முனை

உச்சியை நோக்கி

உயர்ந்து நின்ற மாதிரி இருந்தது

குடைவிரித்த வண்ணமே நிற்கின்றான் அவன்

கடந்து சென்ற

பாதசாரிகளின் கவனம்

சில நொடிகள் களவாடப்பட்டு மீட்க்ப்படுகிறது

அவன் நின்று கொண்டிருந்த

சாலையை கூட நிராகரித்து

செல்கின்றன

சில வாகனங்கள்

சில சந்தேகங்களும்

தயக்கங்களும்

சில கைவிரிப்புக்ளும்

அவனை

நனையவிட்டு நகர்ந்தன

சாலையோரம் குடைபிடித்த

சில கருப்புக் காளான்கள்

நகைத்தன

அப்போது தான்

அது நிகழ்ந்தது

கைளில் கவர்ச்சியாய் மடிக்கபட்ட சில குடைகளுடன்

அவர் வந்தார்

குடைக்காரன் என்று அவர்

அடையாளம் கற்பிக்ப்பட்டிருந்தார்

அவருக்காக காத்திருந்தவர்கள்

குடைகளை விரித்தபடி

அகல்கிறார்கள்

அவரது கைகளில் எஞ்சியிருந்த

கருப்புக் கைக்குட்டையை

குடையா என்று

விசாரித்தனர் சிலர்

அவனோ அகலாமல்

குடைவிரித்த வண்ணமே காத்துக்கொண்டிருக்கிறான்

தனிமை அவனை முழுவதுமாக நனைத்துக் கொண்டிருந்தது.

நிலாரவி.

Series Navigationஅட கல்யாணமே !அருணகிரிநாதரும் அந்தகனும்