கோவிந்த் பகவான்
அது ஒரு வீடு
உட்தாழ்ப்பாளிட்டு
எப்போதும் சாத்தி
ஜன்னல் மட்டும் திறந்தே கிடக்கும்
அது துர் சக்திகள் வெளியேறும் மார்க்கம் என
எல்லோராலும் பரவலாக பேசப்பட்டு நம்பப்பட்டது அதனருகில் சென்றவர்கள் யாரும்
திரும்பியதில்லை
மனிதர்கள் வாழ்ந்ததற்கான எவ்வித அடையாளமுமற்று
வெறுமனே காட்சியாய் அல்லது சாட்சியாய்
மௌனிக்கிறது அவ்வீடு.
பட்டாம்பூச்சிகளின் குவியல்
அதன் ஜன்னல் வழி புகைபோல் வெளியேறிய ஓர் அதிகாலைப்பொழுதொன்றில்
துழாவும் கண்களால் அதன் அருகடைந்தேன்
மெல்ல மேலெழுந்து வெளியேறும் புகை மண்டலம் சூழ
ஒரு தேவதை நடனமாடிக்கொண்டிருந்தாள்
(சந்தேகமின்றி தேவதையே தான்).
பூட்டிய பக்கத்து அறையில் யாரோ
பாடல் பாடுகிற ஒலியும்
அதற்கும் பக்கத்தில் யாரோ
இசைக்கருவிகள் வாசிக்கும் ஓசையும்
இரம்மியமாக்கிய
அவ்வதிகாலைப் பொழுது
வழக்கம்போல் முற்றும் விடியாமல்
ஒரு யுகத்திற்கும் அப்பால்
மெல்ல விடிந்தது.
-கோவிந்த் பகவான்.
- நில் மறதி கவனி
- நான் எனதாகியும் எனதல்லவே!
- வளவ துரையன் – இலக்கியச் செயல்பாடுகளில் இவர் ஒரு தீராநதி.
- நிறைவு
- மாசற்ற ஊழியன்
- புதுவித உறவு
- நியூட்டன் இயக்கும் பிரபஞ்சம்
- சகி
- நாவல் தினை- பதினைந்தாம் அத்தியாயம். மத்தியாங்கம் CE 300
- பாழ்நிலம்
- திருமதி.மீனாட்சி சுந்தரமூர்த்தி எழுதிய அயல்வெளிப் பயணங்கள் நூல் திறனாய்வு
- எப்போதும் சாத்தி கிடக்கும் வீடு
