ஆர் வத்ஸலா

சேர்த்து வைத்திருக்கிறேன்

மூன்று வருடங்களாக

தீபாவளிக்கு

பொங்கலுக்கு

உன் பிறந்த நாளுக்கு

என் பிறந்த நாளுக்கு

நமது மணநாளுக்கு

எப்போதும் போல்

நம்மிருவருக்கும்

உடைகள் வாங்கித் 

தனித் தனி பெட்டிகளில்

அவை நிரம்புவதற்குள்

வந்து விடுவாய் 

நீ

எனக்குத் தெரியும் 

நிரம்பாவிட்டாலும்…

சொல்லி விடுகிறேன்

இப்போதே..

முடிந்து வைத்துக் கொள்

வீர வணக்கம் செலுத்திய பின் 

உன் தேகத்திலிருந்த உரித்தெடுக்கப் பட்ட

உன் சீருடைக்கு

இவற்றில்

இடமில்லை

Series Navigation

வீட்டுச் சிறைகாலச்சுவடு பதிப்பகம் கண்ணன் சந்திப்பு – ஜூன் 8, 2023