தன்னைத்தானே அறிமுகப்படுத்திக் கொண்டவர்

கோவிந்த் பகவான்

நீங்கள் யாரென்றே தெரியாத என்னிடம்

தானாய் வந்து கைக்குலுக்கி

உங்களை அறிமுகப்படுத்திக்கொண்டீர்

சுய புராணத்தை புகழ விட்டீர்

தோள்மீது கை போட்டு உடன் வந்தீர்

சூடாய் தேநீர்ப்பருக கூட்டிச்சென்றீர்

கோப்பையின் வெதுவெதுப்பாய்ப் பேசத்தொடங்கினீர்

இடது கையின் இரண்டு விரல்களுக்கிடையில்

புகைச் சுருட்டை புகைத்துத் தள்ளினீர்

எதற்கும் நினைவாய் இருக்கட்டுமேயென

சிரித்த முகத்துடன் ஒரு செல்ஃபி எடுத்துக்கொண்டீர்

தூரத்தில் யாரோ காணத்தெரிந்ததும்

கைத்தட்டி இருக்கச்சொன்னீர்

இதோ வருகிறேன் என ஓடிப்போய் கைக்குலுக்கினீர்

பழைய பாக்கி சொச்சத்துடன்

புகைக்கும் தேநீருக்கும் சேர்த்து

என் தலையில் கட்டினீர்.

    -கோவிந்த் பகவான். 

Series Navigation

நட்புக்காகபழித்தலும் பழித்தல் நிமித்தமும்