எனது இதயத்தின் எவ்விடத்தில் நீ ஒளிந்திருந்தாய்?

This entry is part 10 of 29 in the series 12 ஜனவரி 2014

 

நீ எடுத்துச் சென்ற உன்னுடையவற்றிலிருந்து

தவறுதலாக விடுபட்ட ஏதோவொன்று என்னிடத்தில்

 

தென்படாத வர்ணக் கறையைப் போல

மிகப் பெரிதாகவும்

கருங்கல்லைப் போலப் பாரமானதாகவும்

இதயத்துக்குள் ஆழ ஊடுருவிய

நானறியாத ஏதோவொன்று என்னிடம்

 

இந்தளவு தனிமை

எங்கிருந்துதான் உதித்ததோ

எனக்குள்ளே மூழ்கிப் போன ஒன்று

எப்படி உனக்குரியதாயிற்றோ

 

எனது இதயத்தின் எவ்விடத்தில் நீ ஒளிந்திருந்தாய்

இந்தளவு துயர் தந்து போக?

 

– காஞ்சனா அமிலானி

தமிழில் – எம்.ரிஷான் ஷெரீப்,

இலங்கை

Series Navigationநாஞ்சில்நாடன் சிறுகதைகளில் அங்கதம்மலரினும் மெல்லியது!
author

எம்.ரிஷான் ஷெரீப்

Similar Posts

Leave a Reply

Your email address will not be published. Required fields are marked *