சி. ஜெயபாரதன், கனடா
நானூறு ஆண்டுகளாய்
அமெரிக்க
நாகரீக நாடுகளில்
கறுப்பு இன வெறுப்பு விதை
முளைத்து மாபெரும்
ஆலமரமாய் வளர்ந்து கிளைவிட்டு
விழுதுகள் தாங்கி
ஆழமாய்ப் பூமியில் வேரிட்டு
உள்ளது.
நாள்தோறும் கொலை
நடந்து வருவது நாமறிந்ததே !
கறுப்பு இனம்
விடுதலை பெற்றாலும்,
தற்போது
கறுப்பும் வெள்ளையும் சமமல்ல !
வெறுப்பும்,
வேற்றுமையும்
வெள்ளைக் கோமான்கள்
குருதியில் இருக்குது.
சட்டம்
நீக்க முடிய வில்லை
சமயம்
நீக்க முடிய வில்லை.
சமூகம்
நீக்க முடிய வில்லை.
ஜன நாயக அரசும்
நீக்க முடிய வில்லை.
வெள்ளை மனத்திலே கறுப்பு
இனத்தார்
தாமரை இலைத் தண்ணீரே !
கைகளைக் கட்டி
கழுத்தை நெரித்துக் கொல்வது,
முதலில்
மூன்றாம் தரக் கொலையெனத்
தீர்ப்பு !
பிறகு இரண்டாம் தரமானது
இப்போது !
இது திட்டமிட்ட
முதல் தரக் கொலைக்
குற்றமில்லையா ?
முன்னூறு ஆண்டுகளாய்
ஆதிமுதலே
வெள்ளைக் கோமான்கள்
மூளையில்
செதுக்கி வைத்திருந்த
நிரந்தரத் தீர்ப்பு !
கறுப்பு இனத்தான்
தனியாகத்
தானே சுமக்கிறான்
தனது சிலுவை மரத்தை !
கறுப்பு இன வெறுப்புக் கொலையைக்
கண்டு, கண்டு
குரானும் அழுகிறது.
பைபிளும் அழுகிறது.
குறளும் அழுகிறது.
ஆனால்
வெள்ளை மாளிகை
மோசஸ்
பைபிளைக் காட்டி நியாயமெனக்
கூறுகிறார்.
+++++++++++++++++
- திருப்பூரில் தமிழறிஞர் புலவர் மணியன் மரணம்.
- கட்டுடைத்தlலும் அன்பு செய்தலும் (ஆர். சூடாமணியின் அர்த்தங்கள் ஆயிரம்)
- சங்க இலக்கியத்தில் விருந்தோம்பல்
- இந்தக் கரோனா காலத்தில், இரக்கமற்ற வீட்டுக்காரன் விரட்டியடித்ததால், கைக்குழந்தையுடன் வீதிக்கு வந்த உதவி இயக்குநர் குடும்பம்
- சரியாத் தமிழ் எழுதுறவங்க யாருமில்ல…
- கிணற்றுத்தவளையாக இருக்காதே – அறிஞர் ந சி கந்தையா பிள்ளை
- தவம்
- ‘ரிஷி’(லதா ராமகிருஷ்ணன்)யின் கவிதைகள்
- ‘ரிஷி’(லதா ராமகிருஷ்ணன்)யின் கவிதைகள்
- பைபிள் அழுகிறது
- கவிதைகள்
- ஒரு நாளைய படகு
- கம்போங் புக்கிட் கூடா
- தொற்று தந்த மாற்று வழிக் கல்வி
- தக்கயாகப் பரணி [தொடர்ச்சி]
- வெகுண்ட உள்ளங்கள் – 4
- ஏதோ ஒன்னு எனக்காக இருக்குது
- விமரிசனம்: இரு குறிப்புகள்