ஆர் வத்ஸலா
அன்றைக்குள் மென்பொருளை முடித்து
பயனாளி நிறுவனத்திற்கு
அனுப்பி வைக்க வேண்டுமென்று
மேலதிகாரி உத்தரவிட்டதால்
நள்ளிரவு தாண்டி கிளம்பிய என்னை
என் இரு சக்கர வாகனம்
பழக்க தோஷத்தில்
மேய்ச்சலுக்கு பின்
தன்னிச்சையாக
வீடு திரும்பும்
பசுக்களைப் போல்
என்னிடம் எதுவும் கேட்காமல்
விளக்குகள் எரியாத
வெறிச்சோடிக் கிடந்த
என் தெருவுக்கு
கொண்டு சேர்த்தது
கவலையில்லாமல்
முன்னேறிய நான்
தெரு முடிவில்
கவனித்தேன்
ஒரு காவல்துறை அதிகாரியை
கொஞ்சம் பயமாக இருந்தது