ஒலியின் க‌ல்வெட்டுக‌ள்

இராம காவியம் படைத்த கவிச் சக்ரவர்த்தி கம்பன், சிலப்பதிகாரம் வடித்த மேதை இளங்கோவடிகள் வரிசையில் 10,000 மேற்பட்ட இசைத்தமிழ்ப் பாடல்கள் பாடித் திரை இலக்கிய வானில் ஒளிர்ந்த டி. எம். சௌந்திர ராஜன் ஒருவராய் அமராகி விட்டார்.

அவருக்கு இரங்கல் பாமாலை சூடிய கவிஞர் ருத்ராவைப் பாராட்டி நன்றி கூறுகிறேன்.

சி. ஜெயபாரதன்.

நன்றி !விஞ்ஞான வித்தகர் சி.ஜெயபாரதன் அவர்களே

இறந்தது
டி.எம்.எஸ் மட்டும் அல்ல.
மீண்டும் இங்கு
எம்.ஜி.ஆரும்
சிவாஜியும் தான்.

அன்புடன் ருத்ரா

டி எம் எஸ் நல்லதொரு பாடகர் என்பதில் சந்தேகமில்லை. ஆனால், அதற்க்காக பிறரை தாக்குதல் என்ன நியாயம். எம் ஜி ஆரும் சிவாஜியும் உயரம் போனதற்கு இவர் பாடலுக்கு வாயசைத்தது தான் எனில், டி எம் எஸ் பாடிய பிற நடிகர்கள் கதையென்ன..? மேலும், டி எம் எஸ் பாடல்களின் வரிகள் தந்தவர்கள் அதனிலும் மேலானவர்கள் தானே… கருத்துள்ள வரிகள் தானே நெஞ்சில் நின்று , நமது அனுபவம் ஒட்டி அதுவும் மனதில் அசைபோடுகிறது. மேலும், “பாவம் நீ ..அந்த
கூம்பு ஒலிபெருக்கிகளில் அல்லவா
கூடு கட்டிக்கிடந்தாய்! “ – இது என்ன அர்த்தம் என்று புரியவில்லை?
இவர் இறந்த போது மீண்டும் எம் ஜீ ஆர், சிவாஜி செத்தார்கள் என்றால், எம் ஜீ ஆர் சிவாஜி இறந்த போது இவரும் செத்தாரா என்ன? தயவு செய்து ஒருவரின் உயர்வைச் சொல்வதாக எண்ணி பிறரை தரம் தாழ்த்த வேண்டாம்.

மறைந்த இசை வேந்தர் டி .எம். சௌந்தரராஜனுக்கு அஞ்சலிக் கவிதை வடித்துள்ள ருத்ரா அவர்களுக்கு நன்றி. உண்மையில் அவருக்கு ஒரு தலையங்கமான சிறப்பு கட்டுரை வெளிவந்திருக்க வேண்டும். ஆனால் யாரும் எழுதாதது பெருங்குறையே.

டி .எம்.எஸ் .குரல் ஒலிக்காத வீடு இல்லை எனலாம். நான் சிறுவயதிலிருந்து இவரின் பாடல்கள் கேட்டு மகிழ்ந்துள்ளேன்.

மலைக்கள்ளனில் , எம்.ஜி.ஆருக்கு ” எத்தனைக் காலம்தான் ஏமாற்றுவார் இந்த நாட்டிலே ” என்ற கலைஞரின் வரிகளை அவர் பாடியது அந்தக் காலத்தில் மிகவும் புகழ் பெற்றது. அன்றிலிருந்து அவர் பாடல்கள் எம்.ஜி.ஆருக்கு அப்படியே பொருந்தின . ” நான் ஆணையிட்டால் அது நடந்துவிட்டால் ” பாடலை எம்.ஜி.ஆர்.பாட்டு என்றே மக்கள் கூறுவதுண்டு.

அதுபோல் அவரின் குரல் அசலாக சிவாஜிக்கும் பொருந்தியது. ” தேவனே என்னைப் பாருங்கள்” , “யாருக்காக இது யாருக்காக” , ” போனால் போகட்டும் போடா ” என்பவை பிரலமான சிவாஜி பாடல்கள்.

இந்த இரு ஜாம்பவான்களுக்கும் இவர் எப்படி தன்னுடைய குரலை மாற்றி பாடுகிறார் என்பதை எண்ணி நான் வியந்ததுண்டு.

இவர் பாடிய முதல் பாட்டு ஸ்ரீ வள்ளியில் பாடிய, ” ராதே உனக்குக் கோபம் ஆகாதடி ” என்பதே.

இவரின் கடைசிப் பாடல், கலைஞர் எழுதி ,ஏ .ஆர் . ரகுமான் இசையமைத்த ,” செம்மொழியாம் நம் தமிழ்மொழியே ” என்பது. இப் பாடலை உலகத் தமிழ் செம்மொழி மாநாட்டில் பாடப்பட்டது.

10,000 பாடல்கள்வரைப் பாடி உலகச் சரித்திரம் படைத்தவர் டி .எம் .சௌந்தரராஜன் அவர்கள்.

இன்று இந்த மாபெரும் இசை மேதை நம்மிடம் இல்லையெனினும் அவருடைய இனிய கானங்கள் உலகின் தமிழர் இல்லங்களில் ஒலித்த வண்ணமே இருக்கும்…டாக்டர் ஜி.ஜான்சன்.

இன்றைய தமிழ்ப்படங்களில் பின்னணி பாடும் ஆண்களில் எவ்வளவு பேர் ஆண்குரலில் பாட முடிகிறது என்று பார்த்தால் டி.எம்.எஸ்.சின் மாட்சிமை புரியும். – நியூஜெர்சியிலிருந்து கவிஞர் இராய.செல்லப்பா.

இசையின் பொருள் விளங்க பாவத்துடன் பாடி ஏராளமான தமிழ் ரசிகர்களை இசையால் வசமாக செய்த டி.எம்.எஸ் ஐயாவிற்கு அருமையான கவிதை மூலம் அஞ்சலி செய்துள்ளீர்கள். நன்றி.