தாவி விழும் மனம் !

This entry is part 3 of 13 in the series 15 ஆகஸ்ட் 2021

ஸ்ரீரங்கம் சௌரிராஜன்

கிடைத்தவற்றின் பட்டியல்

சிறியதாகவும்

கிடைக்காதவற்றின் பட்டியல்

பெரியதாகவும்

அருகருகே நின்று அவனைப்

பாடாய்ப் படுத்துகிறது

பெரிய பட்டியலின் வரிகளில்

அடிக்கடி அவன் மனம்

தாவித்தாவி விழுகிறது

அதில் புரண்டு புரண்டு

கடைசியில். சலித்துப்

பெருமூச்சில் கரைகிறது

சிறு பட்டியல்

அடிக்கடி ஏங்குகிறது

தாவும் மனத்தைச் சபித்தபடி …

நிகழ்காலப்புள்ளி.

புறக்கணிக்கப்படுகிறது

விதி எழுதிய

முதல் பட்டியலைவிட

மனம் எழுதிய

இரண்டாம் பட்டியலில்

அவன் வாழ்கிறான் !