முதல் கல்

This entry is part 1 of 6 in the series 14 ஏப்ரல் 2024


ஆர் வத்ஸலா

ஒரு காலத்தில்
எனக்கு நண்பனாக
இருந்தான்
எப்போதாவது சந்திப்போம்
எப்போதாவது
பேசுவோம்
புலனத்தில்
குறுஞ்செய்தி பரிமாற்றம் அடிக்கடி
மனைவியைப் பற்றி
மகளைப் பற்றி அன்புடன் பேசுவான்
அவன் மேல்
எனக்கிருந்தது
அன்பும் மதிப்பும்
என் காரணமாக
என் குடும்பத்தினருக்கும்
பிறகு
காரணம் சொல்லாமல்
வந்தது
அவனது
மௌன விலகல்
என்னை வருத்திக் கொண்டு

நீண்ட மௌனத்திற்குப்
பிறகு வரத் தொடங்கின
நட்புக்கு கல்லறை கட்ட மறுத்து
நான் பிடிவாதமாக
அனுப்பக் கொண்டிருந்த குறுஞ்செய்திகளுக்கு
எதிர்வினைகள்
மரியாதை நிமித்தம் அனுப்பப் பட்டவை என்று பறை சாற்றிக் கொண்டு
மறுக்கிறேன்

நான்தான்
முதல் கல்லை வைக்க
விடுதலைக்கான முதலடி அதுதான்
என்றறிந்திருந்தும்

Series Navigationவாழ்வு – ராகம்

Comments

No comments yet. Why don’t you start the discussion?

Leave a Reply

Your email address will not be published. Required fields are marked *