ஜமாத்தே இஸ்லாமி அமைப்பு பங்களாதேஷிய இந்துக்கள் மீது தாக்குதல் நடத்தி ஆறு கோவில்களை இடித்துள்ளது.

பங்களாதேஷின் மிகப்பெரிய இஸ்லாமிய கட்சியான ஜமாத்தே இஸ்லாமி கட்சியும் அதன் மாணவர் பிரிவு இஸ்லாமி சாத்ரா ஷிபிர் அமைப்பும் சென்ற வியாழக்கிழமையிலிருந்து அந்நாட்டின் சிறுபான்மை இந்துக்கள் மீது பயங்கரவாதத்தை கட்டவிழ்த்து விட்டுள்ளன.

1971இல் சிறுபான்மை இந்துக்கள் மீது கட்டவிழ்த்து விடப்பட்ட வன்முறையை போன்று ஜமாத்- ஷிபிர் ஆட்கள் ஆறு கோவில்களை இடித்து உடைத்துள்லனர். நவகாளி, கைபந்தா, சிட்டகாங், ரங்கபூர், ஸில்ஹைட், சைபனாவாபிகஞ்ச், ராஜ்கன்ஞ் இடங்களில் ஏராளமான இந்துக்களது வீடுகளையும் வியாபார தளங்களையும் தீ வைத்து கொளுத்தியுள்ளனர் என்று பங்களாதேஷ் தினசரி பத்திரிக்கை டெய்லிஸ்டார் தெரிவித்துள்ளது.

ஜமாத்தே ஷிபிர் ஆட்களுக்கும் போலீஸுக்கும் இடையே நடந்த சண்டையில் இருவர் கொல்லப்பட்டுள்ளனர்.

தெலாவர் ஹூசைன் ஸையதி என்ற ஜமாத்தே இஸ்லாமி தலைவருக்கு தண்டனை கொடுத்த சில மணி நேரங்களுக்குள்ளாக ஜமாத்தே ஆட்கள் ராஜ்கஞ்சில் உள்ள ஹரிஷிவா கோவிலுக்கு தீவைத்தனர்.

“அவர்கள் ஒரு மணி நேரம் கழித்துதிரும்பி வந்தனர். இப்போது எங்களுக்கு எந்தவிதமான வேறு வாய்ப்பும் தெரிவ்யவில்லை. அவர்கள் எங்களது வீடுகள் மீதுகெரசீனை ஊற்றி கொளுத்தினார்கள். “ என்று பள்ளிக்கூட ஆசிரியர் ஷங்கர் சந்திரா தெரிவித்தார். இவர் இந்த தாக்குதலில் வீட்டை இழந்துள்ளார்.

சுமார் 50 இந்துக்கள் இவ்வாறு வீட்டுக்குள்ளேயே வைத்து எரிக்கப்பட்டுவிட்டார்கள். சிலர் பாதுகாப்பாக ஓடிவிட்டார்கள். அவர்கள் விட்டுச்சென்ற வீடுகள் எல்லாம் எரிக்கப்பட்டுவிட்டன என்று அறிக்கை கூறுகிறது.

“நாங்கள் எல்லாவற்றையும் விட்டுவிடு ஓடிவிட்டோம். 1971இல் எனது வயது ஏழுதான். ஆனால் அப்போது கூட இந்த மாதிரி பாதுகாப்பின்றி உணர்ந்ததில்லை” என்று சங்கர் சந்திரா கூறினார்.

ராஜ்கஞ்சில் போலீஸ்காரர்களைவிட ஜமாத்தே ஷிபிர் ஆட்கள் அதிகமாக இருந்தார்கள். போலீஸ் வன்முறையை குறைக்க முயற்சித்ததும், ஜமாத்தே ஷிபிர் 

ஆட்கள் போலீஸை நோக்கி சுட்டார்கள். இதில் ஒருவர் இறந்தார்.

இந்த கலவரத்தில் எந்த புகைப்படமும் எடுக்கக்கூடாது என்று போட்டாகிராபர்களையும் பத்திரிக்கையாளர்களையும் மிரட்டியுள்ளார்கள் என்று அறிக்கை கூறுகிறது.

சிட்டகாங்க் பகுதியில் இந்து பெரும்பான்மையாக உள்ள பகுதிகளான 

பன்ஷ்காலி உபஜில்லாவை தாக்கியிருக்கிறார்கள். அருகே சத்கானிய உபஜில்லாவில் உள்ள பௌத்த கோவிலுக்கு தீவைத்துள்ளார்கள். அங்கு இந்து வியாபாரிகளின் கடைகளுக்கும் தீவைத்து அங்குள்ள இந்துக்களை தடிகளாலும், இரும்பு கம்பிகளாலும் அருவாட்களாலும் தாக்கியுள்ளார்கள் என்று போலீஸ் தெரிவிக்கிறது.

கைபந்தாவில் ஜமாத்தே ஷிபிர் ஆட்கள் வெள்ளிக்கிழமையன்று அங்குள்ள கோவிலையும் இந்துக்களின் கடைகளையும் தாக்கியுள்ளார்கள். பிறகு ஷோவாகஞ்ச் பகுதியில் உள்ள வீடுகளை தாக்கியிருக்கிறார்கள்.

ஸில்ஹட், ரங்கபூர், தாகுர்காவ், லக்‌ஷ்மிபூர் ஆகிய இடங்களில் உள்ள கோவில்களுக்குள் புகுந்து கொள்ளையடித்து பிறகு அங்குள்ள இந்துக்களின் கடைகளையும் நாசம் செய்திருக்கிறார்கள் என்று செய்திகள் கூறுகின்றன. ரங்கபூர் நடுவே இருக்கும் காளி கோவிலையும் சபான்ய்வாபகஞ் பகுதி கோவிலையும் கொள்ளையடித்து இடித்துள்ளார்கள்.

நன்றி மூலம்

http://www.niticentral.com/2013/03/02/jamaat-terrorises-bangladesh-hindus-burn-6-temples-51497.html

இன்னொரு செய்தி

http://www.bbc.co.uk/news/world-asia-21712655