சொன்னதைக்
கூட்டிக் கழித்து
நீ சொன்னதில்லை
இரகசியங்களை
என் அனுமதியின்றி
நீ அவிழ்த்ததில்லை
நீ இல்லாவிட்டால்
ஊனமாகிவிடுகிறேன்
என் உடல் உறுப்பு நீ
பசித்தால் மட்டுமே
புசிக்கிறாய்
சொடுக்கும் நேரத்தில்
சிரிக்க அழ வைக்கிறாய்
உன் சாட்சி போதும்
உலகம் கைகட்டும்
நான் கண்கலங்கும்போது
என் கைக்குட்டையாகிறாய்
மாயக் கண்ணாடி நீ
ஆசையைச் சொன்னால்
காண்பிக்கிறாய்
கண்ணகியின் காற்சிலம்பாய்
எல்லார் கையிலும் நீ
மொத்த உறவுகளையும்
முதுகு சொரியும்
குச்சிகளாக்கி விட்டாய்
பாவம் உனக்குச்
சொந்தபந்தமில்லை
எடுப்பாருக்கு நீ கைப்பிள்ளை
முட்டாள் சேவல் நீ
கூவும் நேரம் உனக்குத்
தெரிவதே இல்லை
உன் அகராதியில்
இடம்பொருள்ஏவல் இல்லை
என்னைக் கட்டுப்படுத்த நீ யார்?
ஆத்திரம் வந்தது
தூக்கி எறிந்தேன்
பிறதுதான் புரிந்தது
எறியப்பட்டது நான்தானென்று
எண்பது கிராம்
என்சைக்ளோபீடியாவே
நீ வாழ்க
அமீதாம்மாள்
- காதற்காலம்- (பிரணயகாலம்)
- நாடோடிகளின் கவிதைகள்
- ‘தமிழை ஆண்டாள்’ கட்டுரையில் வைரமுத்து செய்த 18 சறுக்கல்கள்
- நெருப்பென்ன நின்ற நெடுமாலே!
- மருத்துவக் கட்டுரை நீரிழிவு நோயும் சிறுநீரகச் செயலிழப்பும்
- வெளிநாட்டு ஊழியர்கள்
- வாழ்க நீ
- வெங்காயம் — தக்காளி !
- பின்னலாடை நக்ரின் இலக்கியப் பயணம் :திருப்பூர் 15 வது புத்தகக் கண்காட்சி
- பழந்தமிழ் இலக்கியத்திற்கும் நவீன தமிழ் இலக்கியத்திற்கும் பாலமாக விளங்கும் பாலம் லக்ஷ்மணன் அம்மையார்
- தொடுவானம் 207. போதை
- இன்று ஒரு முகம் கண்டேன் !
- பூதப்பெருநிறைக் கருந்துளை உந்து கணைகள் பிரபஞ்சத்தின் முப்பெருஞ்சக்தி அகிலத் தூதர் எழுச்சியைத் தூண்டுகின்றன
