அக்னிப்பிரவேசம் !

This entry is part 5 of 13 in the series 13 ஜூன் 2021
ஸ்ரீரங்கம் சௌரிராஜன்
 
உடல் முழுவதும்
சிறு சிறு
கொம்புகள் முளைத்த
பந்து வடிவக் கருமி
ஆங்காங்கே மனிதர்களைச்
சமைத்துக் கொண்டிருக்கிறது
 
குரல்வளையில் குடியேறி
உடல் நீரைச்சளியாக்கி
உயிர் குடித்து
விலகுகின்றது உயிர்க்கொல்லி
 
கடும் பசியோடு
ஆயிரமாயிரம் 
ஆரஞ்சு நிற சாவுகள்
தொங்கத் தொங்க
காத்திருக்கிறது தீ
 
மனிதர்கள்
இறுதி மரியாதையைக் கூடப்
பெற முடியாமல்
தீக்குகையில் நுழைகிறார்கள் !‌
 
                   +++++++++
Series Navigationவடதுருவக் கடற்பனிப் பரப்பளவு முந்தைய கணிப்பை விட இரண்டு மடங்கு சுருங்கி விட்டது.தில்லிகை | சூன் 12 மாலை 4 மணிக்கு | மாணவர்களிடையே இலக்கியத்தின் தாக்கம்
author

ஸ்ரீரங்கம் சௌரிராஜன்

Similar Posts

Leave a Reply

Your email address will not be published. Required fields are marked *