ஆர் வத்ஸலா
வேண்டியவர்களுக்கு
கணினியில்
மின்னஞ்சல்
செய்து கொண்டு
அறித்திறன் பேசியில்
மற்றதை
தன்னை
புகைப்படங்கள்
வீடியோக்கள்
எடுத்துக் கொண்டு
புலனக் குழுக்களில்
உள்ளூர் வெளியூர்
உறவுகளுடன்
நண்பர்களுடன்
குறுஞ்செய்திகளில்
(முகம் பார்க்காமலும்
பார்த்தும்)
புலன அழைப்புகளில்
நட்பும் விரோதமும்
பாராட்டிக்
கொண்டு
தேவைப்படும் பொழுது காதில்
குட்டிக் கருவிகள் அணிந்து
மற்றவரை தொந்தரவு செய்யாமல்
இணைத்திரை ரசித்துக் கொண்டு
புது செயலி வரும் போதும்
தெரிந்த செயலி
புது அவதாரத்தில்
தெரியாமல் போகும் போதும்
பேரக் குழந்தைகளிடம்
பாடம் கற்றுக்
கொண்டு
இருக்கும் வரை
இருக்கிறது
தகுதி
எனக்கு
இருக்க
எனக் கருதும் உலகம்