மூலம் : பீட்டில்ஸ் பாடகர்
தமிழ்த் தழுவல் : சி. ஜெயபாரதன், கனடா
வாரீர் உதவ எனக்கு
யாராவது !
எவனோ ஒருத்தன் இல்லை
எனக்குதவி செய்யும்
ஒருவன் !
இன்றைவிட இன்னும்
இளைஞனாய் இருந்த போது ,
எந்த முறையிலும்
எவன் உதவியும் நாடிய தில்லை !
அந்த நாட்கள் போயின !
இப்போது,
சுய மதிப்பில்லை எனக்கு !
என்னிதயம்
மாறிப் போனதாய்
இப்போ தெனக்குத் தெரியுது !
வீட்டுக் கதவை
திறந்து வைத்தேன் !
முடிந்தால் எனக்குதவ வாரீர் !
ஒடிந்து போச்சு மனது !
என்னைச் சுற்றி வருகிறாய் !
என் பாதங்கள் தரையில் படிய
எனக்குதவ வாராய் !
தயை புரிந்து
எனக்குதவ மாட்டாயா ?
என் வாழ்க்கை மாறிப் போனது
பல்வேறு முறைகளில்.
என் சுதந்திரம் தேய்ந்து போனது,
நாளொரு பொழுதும்
தாழ்கிறேன் சுய மதிப்பிழந்து !
நீ உதவ வேண்டு மென,
இப்போது நான் உணர்கிறேன் !
இயன்றால் எனக்கு உதவி செய் !
இடிந்து போயுள்ளேன் !
என்னைச் சுற்றி வரும் நீதான்
எனக்குதவ வேண்டும் !
இத்தரையில் நான் காலூன்ற
எனக்குதவ மாட்டாயா ?
- செட்டிநாடு கோழி குழம்பு
- புளியம்பழம்
- இயற்கையிடம் கேட்டேன்
- தொடுவானம் 227. ஹைட்ரோஃபோபியா
- உதவி செய்ய வா !
- கடல் அலையடிப்புகளில் தொடர்ந்தெழும் ஆற்றல் மூலம் மின்சக்தி ஆக்கும் பொறியியல் நுணுக்கம் விருத்தி அடைகிறது
- லெப்டோஸ்பைரோஸிஸ் ( LEPTOSPIROSIS )
- அம்மாவின் முடிவு
- இந்தியாவிலிருந்து சுரண்டிய பணத்தை பிரிட்டன் திரும்ப கொடுக்க முயற்சித்தால் முழு திவாலாக ஆகும்
- முழு மாயன் எழுத்து மொழியையும் அழித்த ஒரு கத்தோலிக்க பாதிரியார்