தமிழ் ஸ்டுடியோவின் மூன்றாவது ஊர் சுற்றலாம் வாங்க.

author
0 minutes, 2 seconds Read
This entry is part 24 of 53 in the series 6 நவம்பர் 2011

நாள்: நவம்பர் 19 -20 (சனி மற்றும் ஞாயிற்றுக் கிழமை)

இடம்: ஏலகிரி, ஜவ்வாது மலை

கட்டணம்: 1200/-

வணக்கம் நண்பர்களே,

தமிழ் ஸ்டுடியோவின் மூன்றாவது ஊர் சுற்றலாம் வாங்க நிகழ்வு எதிர்வரும் நவம்பர் மாதம் 19 ஆம் தேதி ஏலகிரியில் தொடங்குகிறது. குளிர்காலத்தில் ஏலகிரி செல்வது என்பது கொஞ்சம் புதிதாகத்தான் இருக்கும். ஆனால் நவம்பர், டிசம்பர் மாதம் மட்டுமே அங்கே உருவாகும் சில அருவிகளைப் பார்ப்பதே இந்தப் பயணத்தின் முக்கிய நோக்கமாகும். முக்கியமாக ஜலகம்பாறை அருவி இந்த மாதத்தில் பார்க்க அவ்வளவு ரம்மியமாக இருக்கும். மேலும் குளிர்காலத்தில் கோடை வாசஸ்தலங்களை பார்ப்பதும் ஒரு வித புது அனுபவத்தை தரும். குறும்படம் / இலக்கியம் என விவாதங்கள் தொடங்கி நல்ல நண்பர்களை பெறுவதற்கு இந்த பயணத்தை ஒரு காரணியாகவும் கொள்ளலாம். வாருங்கள் பயணிப்போம்.

மிக முக்கியமாக இந்தப் பயணம் மிக அழகாக திட்டமிட்டு தெளிவான, சுகமான பேருந்து அல்லது இரயில் பயணமாக இருக்காது என்பதை தெரிவித்துக் கொள்கிறோம். சக நண்பர்களுடன், அரசுப் பேருந்தைப் பிடித்து (எந்தப் பேருந்து கிடைக்கிறதோ, எந்த நிலையில் கிடைக்கிறதோ) , ஆங்காங்கே இருக்கும் சிறு சிறு கடைகளில் உணவருந்தி, கிடைப்பவற்றை கொண்டு செய்யும் பயணமாகவே இருக்கும். எனவே சுகவாசிகள் இந்தப் பயணத்தை தவிர்க்கவும்.

ஆனால் ஒத்த சிந்தனையுள்ள நண்பர்களுடன் குளிர் காற்றும், சாரல் மழையும் இணைந்த இடத்தில் ஒரு கோப்பை தேநீர் பருகிக் கொண்டே பிடித்த விசயங்களை பற்றி விவாதிப்பது அவ்வளவு எளிதில் யாருக்கும் வைக்காது. அந்த அனுபவமே தமிழ் ஸ்டுடியோவின் ஊர் சுற்றலாம் வாங்க நிகழ்வின் பிரதான நோக்கம். நண்பர்களோடு விவாதிப்பதோடு மட்டுமின்றி இந்த இரண்டு நாட்களில் எல்லோரும் சேர்ந்து ஒரு குறும்படத்தை உருவாக்கிவிட்டு வீடு திரும்புவோம் வாருங்கள்.

மேலும் இந்தப் பயணம் முழுக்க முழுக்க மலை ஏறுதலை (Treking) அடிப்படையாகக் கொண்டது.

தமிழ் ஸ்டுடியோவின் வாசக நண்பர் குணசீலன் இந்த பயண ஏற்பாடுகளை ஏலகிரியில் கவனித்துக் கொள்வதாக சொல்லி இருக்கிறார். அவருக்கு நமது நன்றியினை தெரிவித்துக் கொள்வோம்.

மேலும் விவரங்களுக்கு: 9840698236




அன்புடன் 
அருண் & குணா

தமிழ் ஸ்டுடியோ.காம் (பதிவு எண்: 475/2009)
எண். 41, சர்குலர் ரோடு,
யுனைடெட் இந்தியா காலனி
கோடம்பாக்கம்

சென்னை 
600024
.
www.thamizhstudio.com
+919840698236+919894422268

Series Navigationநீவிய பாதைபுலம்பெயர்ந்தோர் தமிழ்க் கல்வி மாநாடு 2012 .
author

Similar Posts

Leave a Reply

Your email address will not be published. Required fields are marked *