நட்பு 2 

ஆர் வத்ஸலா

நீ இல்லாமல்

நான் படும் பாட்டை

கவிதையாக வடித்து

என்னை வதைக்கும் 

தாபத்தை தீர்க்க முயன்றேன்

தாபத்தின் அனல் என்னவோ குறையவில்லை 

மேலதிகமாக 

அந்த ‘நீ’ 

யாராக இருக்கும் என்று என் முகத்தை பார்த்து  அனுமானிக்க முயற்சிக்கும் சிலரும்

அதை பற்றி வம்பு பேசி மகிழும் சிலரும்

பொறுக்காமல்

என்னிடம் ரகசியமாக

கேட்டே விடும் சிலருமாக

எனது நட்புலகம் சிறுத்துக் கொண்டிருக்கிறது 

தினம் தினம்

Series Navigation

முதியோர் இல்லம் கட்டுரைத் தொடருக்கு என் வாழ்த்துகள்ஹிரோஷிமா, நாகசாக்கி அழிவு நாட்கள் நினைவு தினம்