அவர்கள் மூளையில்
ஒரு மூலையில்கூட
மனிதம் இல்லை
மனிதம் இல்லாத அவர்கள்
மனிதர்கள்போல் இருபார்கள்
அவர்கள்
சேணம் கட்டிய குதிரைகள்
அங்குசத்திற்கு வாலாட்டும் யானைகள்
மனிதபலி விரும்பும்
ஓநாய்கள்
அறம் அறியாத
பதர்கள்
இருகால் விலங்குகள்
இல்லாத ஒன்றை நினைத்து
ஒவ்வாததையெல்லாம் செய்யும்
உலகக்கேடர்கள்
அமைதித்திருடர்கள்
அபாயப்பிறவிகள்
கருத்துக்குருடர்கள்
கண்முன்னே வாழும்
காட்டுமிராண்டிகள்
இயக்கம்படும்
இயந்திர உயிரிகள்
இரக்கம் அறியா
வன்முறைக் காட்டேரிகள்
காமத்தால் விளைந்த
உயிர்க்கொல்லிகள்
உயிர்பறிக்கும்
கேவலங்கள்
ஆதியும் தெரியாத
அந்தமும் விளங்காத
அறிவிளிகள்
எப்படியெல்லாமோ
எழுதியும் சொல்லியும்
எரிகிறது மனசு
பரிதவிப்போர் எண்ணி
கரைகிறது மனசு
உயிர்பறிப்போர்
இல்லாத
உன்னத உலகம்காண
விழிநீர் சிந்தி
விழைகிறது மனசு
இறைவனே!
உன்னை மையமாகவைத்தே
இப்படி வட்டம்போடுகிறார்கள்
சதிக்கு எதிரான
சதி என்கிறார்கள்
நீ
கண்டுகொள்வதே இல்லை
கனவிலாவது வந்து
உயிர்ப்பலி தவிர்த்து
ஓராயிரம் வழிஉண்டென்று
எடுத்துரைக்கவேண்டாமா?
கண்டுகொள்ளாத உன்னை
கண்டுகொள்வது என்ன நியாயம்?
நீயே
காரணத்தலைவன் என்றால்
தண்டிக்கப்படவும்
கண்டிக்கப்படவும் வேண்டிய
முதல் குற்றவாளி நீ
- திண்ணையில் வெளியான கதைகள் கவிதைகள் அடங்கிய நூல்கள் வெளியீடு
- எனது ஜோசியர் அனுபவங்கள் – பகுதி 3
- புத்தகங்கள் ! புத்தகங்கள் !! – 2 கொழுத்தாடு பிடிப்பேன் – அ . முத்துலிங்கம் -சிறுகதைகள் தொகுப்பு .
- 13-ம் நம்பர் பார்சல் – புது நாவல் தொடர் (3,4)
- தொடுவானம்100. பிரேதங்களுடன் உடற்கூறு
- திருமதி ஒல்காவின் “விமுக்தா” என்ற படைப்பிற்காக அவருக்கு சாகித்ய அக்காதமி விருது
- இலங்கைத்தீவுடன் ஒரு வரலாற்றுத் தொடர்பு” என்ற நூலின் விமர்சன உரையை கீழ்வரும் இணைப்பில்
- பூகோளச் சுற்று அச்சின் சாய்வு மாறுதல் பூமியின் சூடேற்ற நிலையைப் பேரளவு பாதிக்கிறது
- யார் இவர்கள்?
- ஓவியக்கவி கலீல் கிப்ரான் கவிதை நூல் வெளியீடு
- ஞானத்தின் ஸ்தூல வடிவம்
- பசியாக இருக்குமோ…
- ஆ.மாதவனுக்கு வாழ்த்துகள்
- ஹாங்காங் தமிழ் மலரின் டிசம்பர் 2015 மாத இதழ்
- மழை நோக்கு
- பறந்து மறையும் கடல்நாகம் – வெளியீடு
- அடையாளம்
- சொல்வனம் – விருட்சம் சேர்ந்து நடத்தும் கூட்டம் கலந்து உரையாடல் – 02.01.2016