வளவ. துரையன்
உறவுகள் இனிமையானவை
நீரை அடித்தால் இரு பிரிவுகளாகும்
ஆனால் மீண்டும் ஒன்றாகும்
நல்ல உறவைப் போல;
சிலநேரம் நம் கையே நம்
கண்ணைக் குத்துதல்போல்
உறவுகளும் குறும்புகள்
செய்து தொல்லை தரும்தான்;
கண்ணில் விழுந்துவிட்ட தூசியாய்
அவற்றைத் துடைத்தாலும்
காலம் கடந்தும் வடுவாக
நின்று நினைவூட்டும்;
சில உறவுகள்
காற்றடிக்கும் திசை செல்லும்
காற்றாடி போலச் செல்லும்;
அவை நம்மையும்
இழுத்துத் தள்ளப் பார்க்கும்;
ஆற்றில் மிதக்கும்
தக்கை மேலிருக்கும் எறும்பாக
நாம்தான் நம்மை நினைத்து
எதிர் நீச்சலும் கற்று
மறத்தல் நன்று.