எல்லா காலடிகளும்
அந்த முடிவிலிருந்துதான்
தொடர்கின்றன.
பக்கத்தில் ஓடும்
ஆற்றில் முழ்கி
பிறவிக்கொடுத்த
ஆத்தாளுக்கு
மூன்று முழுக்க கொடுத்த
மகன்
வெள்ளைத்துணியோடு
வீடு போய் சேர்ந்தான்.
வீடு நிறைய மக்கள்.
ஓரத்தில்
ஆத்தாள்
மெளனமாக நின்றாள்
அகல் விளக்கு வெளிசத்தில்.
அவள் பிண்டத்தில்
வளர்ந்த
அத்தனை மக்களும்
அடுத்த வேளை சோற்றுக்கு
பற்ற வைத்தனர் அடுப்பை.
சுடுகாட்டிலும்
தீ
வீட்டிலும்
தீ.
ஆத்தாள் நின்றாள்
தீயாக
அடுத்தப்பிறவியாக.
இரா.ஜெயானந்தன்.