பூமியும் மழையும் காதல் காட்சி கண்டது

பூமி மீது பெரும்காதல் கொண்ட மழைக்காதலன்
பகலெல்லாம் இடியால் செருமினான்
உணர்வார் யாருமில்லை
பிறகு
மின்னலால் கையெழுத்து இட்டும் விளக்கினான்
புரிவார் சிலரே என அறிந்து
இரவெனும் தாதியிடம் சேதி சொல்ல
அவள் கொண்டு சென்று கூட்டி வைத்தாள் காதலரை.
முதியோர் அதனைக் குளிர் என்றனர்
இளையோர் புயல் என்றனர்
வானிலை அறிக்கை கஜா என விளித்தது
பூமியும் மழையும் எதுவும் பொருட்டில்லை என
ஆனந்தக்கூடல் கொண்டுள்ளனர்
மனித இனக்கண்கள் காண்பதெல்லாம்
குள்ளக்குளிர இயற்கையின் படுக்கை அறையே .

***